NÁMSKEIÐ STORKSINS Á HAUSTÖNN 2010 - SKRÁNING HAFIN!

Við bjóðum upp á fjölbreytt námskeið í prjóni og hekli eins og áður. Bútasaumurinn bætist svo við síðar. Verið duglegar að senda okkur fyrirspurnir með ákveðin námskeið því við viljum gjarnan reyna að anna eftirspurn eins og kostur er. Þessi námskeið hefjast á næstu vikum.

Athugið að hægt  er að skipuleggja sérstök námskeið fyrir hópa. 
Athugið að flestir endurmenntunarsjóðir bjóða uppá endurgreiðslu á námskeiðsgjöldum félagsmanna.

Allir nemendur á námskeiðum Storksins fá bókina Lærið að prjóna á sérstöku afsláttarverði.
Innifalið í verði námskeiða: Kennsla, námskeiðsgögn, garn/efni í prufur, kaffi og meðlæti og 15% afsláttur í verslun á meðan á námskeiði stendur.

PRJÓNAKAFFI STORKSINS

Athugið það þarf að kaupa miða fyrirfram!
Innifalið í hverju prjónakaffi er 1 kennslustund í ákveðnu þema. Við byrjum kl. 19:30 og erum til 22 í versluninni. Það er takmarkaður aðgangur og kaupa þarf miða fyrirfram á prjónakaffið. Þannig geta konur tryggt sér sæti fyrirfram og það verða ekki þrengsli. Svo getur hver og ein valið það þema sem henni hentar og mætt þau kvöld. Hvert skipti kostar 1.500 kr. og innifalið í því er kennslan, kaffi og meðlæti.
Næsta prjónakaffi auglýst siðar.

HEKL

Hefst mánudaginn 20. september
4ja kvölda námskeið kl. 18-21. Heklið er vinsælt þessa dagana og skemmtileg viðbót við prjónið. Farið er í grunninn í hekli og eftir þessi fjögur kvöld ættu flestir að verða sjálfbjarga í vinnubrögðum. Þeir sem hafa reynslu hafa líka gagn af þessu námskeiði því þeir byggja ofan á fyrri þekkingu. Allt garn í prufur innifalið í námskeiðsgjaldi.
4 skipti: 20. og 27. sept. og 4. og 11. okt. Verð: 20.000 kr.

Kennari Sólveig Sigurvinsdóttir.

SJÖL OG HYRNUR

Hefst miðvikudaginn 6. október
Miðvikudagskvöld kl. 18:30 - 20:30 eða 6 kst. Á þessu námskeiði verður prjónað sjal eða hyrna sem heitir SPRINGTIME BANDIT. Byrjað er við hnakkann og aukið út þaðan þannig að hægt er að ákveða stærðina eftir smekk hvers og eins eða garnmagni. Uppskriftin er á ensku, bæði með texta og munsturteikningu þannig að hver og ein getur valið þá leið sem hentar. Þetta námskeið er upplagt fyrir þær sem vilja læra grunntæknina við sjalaprjón, sérstaka uppfitjun og affellingu fyrir sjöl, gataprjón og að skilja og lesa sjalauppskriftir. Gert er ráð fyrir að þátttakendur hafi góðan grunn í prjóni og geti unnið sjálfstætt heima. 
3 skipti; 6., 13. og 20. október. Verð: 12.000 kr.

Kennarar Guðrún Hannele og Sigurbjörg Þorvaldsdóttir.

PRJÓNTÆKNI

Hefst þriðjudaginn 21. september.
Þriðjudagskvöld kl. 18-21. Þetta er ítarlegt námskeið þar sem farið er í grunninn á prjóntækni. Gert er ráð fyrir að nemendur byggi ofan á þá kunnáttu sem þeir hafa fyrir. Námskeiðið hentar bæði byrjendum og þeim sem eru með reynslu í prjóni. Athugið að innifalið í námskeiðsgjaldi er bókin LÆRIÐ AÐ PRJÓNA eftir Erlu Eggertsdóttur.
5 skipti: 21., 28. sept., 5., 12. og 19. okt. Verð: 26.500 kr.

Kennari Helga Melsteð.

PRJÓNUM SAMAN KAÐLAHÚFU - NÝTT!

Hefst miðvikudaginn 8. september
3ja kvölda námskeið kl. 18:30-20:30 eða 6 kst. Þetta er ný tegund námskeiða hjá okkur og hentar þeim sem hafa einhverja reynslu í prjóni en vilja bæta við sig nýrri tækni. Við prjónum allar saman sama verkefnið og lærum fullt af hagnýtum hlutum í leiðinni. Prjónuð verður kaðlahúfa eftir Kim Hargreaves. Flott húfa til eigin nota eða sem gjöf. Á þessi verkefni lærið þið að fitja upp með silfurfit, prjóna kaðla, auka út og taka úr og það sem mikilvægast að prjóna eftir uppskrift á ensku. Gert er ráð fyrir heimavinnu á milli tíma. 

Garn í húfuna er innifalið í námskeiðsgjaldinu (2x50 g af Kid Classic frá ROWAN) svo og námsgögn. Nemendur koma með eða kaupa á staðnum 60-80cm langa hringprjóna í stærðum 4mm (má líka vel 3,5mm) og 4,5mm.

3 skipti. 8., 15. og 22. september. Verð: 14.000 kr.

Kennari Guðrún Hannele.

 

 

PRJÓNUM SAMAN TWILIGHT VETTLINGA - NÝTT! 

Ótímasett.
3ja kvölda námskeið kl. 18-21 eða 9 kst. Þetta er ný tegund námskeiða hjá okkur og hentar þeim sem hafa reynslu í prjóni en vilja bæta við sig nýrri tækni. Við prjónum allar saman sama verkefnið og lærum fullt af hagnýtum hlutum í leiðinni. Prjónaðir verða háir vettlingar með köðlum eða svo nefndir TWILIGHT vettlingar eftir samnefndri bók og bíómynd. Þetta er metnaðarfullt verkefni sem er skemmtilegt að takast á við í góðum hópi þar sem allir eru á sama róli.

Á þessu verkefni lærið þið að fitja upp með silfurfit, prjóna með sokkaprjónum (full flókið fyrir algjöra byrjendur í vettlingaprjóni), prjóna kaðla, auka út og taka úr og það sem er mikil-vægast að prjóna eftir uppskrift á ensku. Gert er ráð fyrir heimavinnu á milli tíma. 

Garn í vettlingana er innifalið í námskeiðsgjaldinu svo og námsgögn. Nemendur koma með eða kaupa á staðnum sokkaprjóna.

Nánari upplýsingar þegar tímasetning er ákveðin. Skráning hafin!  Verð: 16.500 kr.

Kennari Guðrún Hannele.

PRJÓNTÆKNI

Hefst þriðjudaginn 26. október.
Þriðjudagskvöld kl. 18-21. Þetta er ítarlegt námskeið þar sem farið er í grunninn á prjóntækni. Gert er ráð fyrir að nemendur byggi ofan á þá kunnáttu sem þeir hafa fyrir. Námskeiðið hentar bæði byrjendum og þeim sem eru með reynslu í prjóni. Athugið að innifalið í námskeiðsgjaldi er bókin LÆRIÐ AÐ PRJÓNA eftir Erlu Eggertsdóttur.
5 skipti: 26. okt. og 2., 9., 16. og 23. nóv. Verð: 26.500 kr.

Kennari Helga Melsteð.

PRJÓNASMIÐJA Á MORGNANA

Ótímasett
Morgunnámskeið kl. 9-11. Farið er farið í prjón og hekl og nemendur geta ráðið ferðinni sjálfir að einhverju leyti. Hver kemur með sitt verkefni eða fær aðstoð við val á verkefni. Einnig er farið í prjóntækni eftir óskum  nemenda. Hentar öllum sem hafa áhuga á prjóniog/eða hekli og góðum félagsskap.
5 skipti. Verð 17.000 kr.

Kennari: NN.

"RANDAFRÆÐI"

Ótímasett - eitt kvöld - áhugasamir skrái sig á lista
Þetta er örnámskeið sem tekur eitt kvöld frá kl. 18-21. Þegar prjóna á rendur og velja saman liti er oft erfitt að ákveða hvað kemur best út. Hvaða hlutföll er hægt að nota og hvernig fæst gott jafnvægi í rendurnar þannig að þær gleðji augað. Það er til stærðfræðiformúla sem hjálpar okkur við þetta. Á þessu námskeiði lærið þið að nýta ykkur FIBONACCI aðferðina en hann var stærðfræðingur sem var uppi á miðöldum. Allt efni innifalið í námskeiðinu. Bara mæta með skæri og blýant. 
1 skipti. Verð 4.000 kr.

Kennari: Guðrún Hannele.

FRÁGANGUR

Ótímasett - 1 kvöld
Þetta er örnámskeið sem tekur eitt kvöld frá kl. 18-21. Það er mikilvægt að kunna réttu handtökin þegar kemur að frágangi. Góður frágangur hefur mikið að segja fyrir útlit flíkurinnar. Farið er í öll grundvallaratriði í sambandi við frágang t.d. sauma saman prjónles, lykkja saman, ganga frá endum, mismunandi uppfitjanir og affellingar, jaðrar o.fl. Upplagt að koma með ófrágengna flík að heiman.
1 skipti. Verð 4.000 kr. Allt efni innifalið.

Kennarar: NN.

VETTLINGAPRJÓN

Ótímasett - 2 kvöld
Þetta er 2ja kvölda námskeið einu sinni í viku frá kl. 18-21. Nemendur læra að prjóna vettlinga allt frá uppfitjun, mismunandi þumla og úrtökur. Þær sem vilja leggja áherslu á tvíbandavettlinga geta gert það.
Við skoðum alls konar vettlinga frá Íslandi og Norrænum löndum, veltum fyrir okkur hefðum og notagildi.
2 skipti. Verð 10.000 kr. Ullargarn í eitt vettlingapar innifalið í verði.

Kennarar: Helga Melsteð og Guðrún Hannele.

SOKKAPRJÓN

Ótímasett - 2 kvöld
Þetta er 2ja kvölda námskeið einu sinni í viku frá kl. 18-21. Nemendur læra að prjóna sokka frá ökkla eða tá . Skoðaðir verða mismunandi tegundir af hælum; bandhæll eða Halldóruhæll, franskur hæll, stundaglasahæll o.fl. Einnig mismunandi úrtökur á tá.  
2 skipti. Verð 10.000 kr. Ullargarn í eitt sokkapar innifalið í verði.

Kennarar: Helga Melsteð og Guðrún Hannele.

MÆÐGNANÁMSKEIÐ

Ótímasett  - 3 laugardagsmorgnar
Laugardagsmorgnar kl. 10 - 12. Námskeið fyrir mæður (frænkur eða ömmur) og 1-2 dóttur/dætur 8-12 ára. Húfusmiðja þar sem nemendur hekla sér húfu og læra í leiðinni að hekla á skapandi hátt. Við bjóðum einstaklingsbundna kennslu þannig að allir ættu að geta lært eitthvað nýtt. 
3 skipti. Verð: 10.000 kr. á mann.

Kennari: Sólveig Sigurveigsdóttir.

BÚTASAUMUR - HANDSAUMUR

Ótímasett
Tveggja kvölda námskeið kl. 18-21. Á þessu námskeiði læra nemendur að sauma bútasaum í höndum með þrenns konar tækni; enskan pappírssaum, japanskan bútasaum og hefðbundinn bútasaum í höndum (sveigð og bein form). Efni í prufur er innifalið í námskeiðsverði.
2 skipti, 11. og 18. mars. Verð 12.000 kr.

Kennarar: Guðrún Hannele og Rannveig Helgadóttir.

PRJÓNTÆKNINÁMSKEIÐ STORKSINS Á AKUREYRI (eða annars staðar eftir pöntun)                                     

Ótímasett
Námskeiðinu er skipt í 4 lotur þannig; fös. kl. 19-22, lau. kl. 9-12 og 14-17, sun. kl. 10-13.
Markmið námskeiðsins er að allir nemendur bæti við þekkingu sína og færni í prjóntækni. Farið verður í mismunandi uppfitjanir, affellingar, úrtökur og útaukningar, kaðlaprjón, gataprjón, klukkuprjón, tvíbandaprjón, myndprjón og fleira eftir því sem tími leyfir. Einnig lestur uppskrifta og vefjarefnafræði.
Kennarar eru Guðrún Hannele Henttinen og Helga Melsteð textílkennarar.
Námskeiðið kostar 26.500 kr. og innifalin er bókin Lærið að prjóna eftir Erlu Eggertsdóttur, mappa með námsskeiðsgögnum og garn í prufur.
Skráning og nánari upplýsingar hjá Storkinum í s. 551 8258 og storkurinn@storkurinn.is.

Skráning á námskeið í síma 551 8258 eða sendið nafn, síma og netfang á namskeid@storkurinn.is. Athugið að skráning telst ekki gild fyrr en 5.000 kr. skráningargjald hefur verið greitt.

Námskeiðin þarf að greiða að fullu viku fyrir fyrsta tímann nema um annað sé samið.